ലണ്ടന്‍: ഓക്സ്ഫഡ് യൂണിവേഴ്സിറ്റി വികസിപ്പിച്ച കോവിഡ് വിതരണത്തിന് വാക്സിന്‍ വിതരണത്തിന് തയാര്‍. വാക്സിന്‍ നവംബര്‍ ആദ്യം ലഭ്യമാകുമെന്ന് ലണ്ടനിലെ ഒരു മുന്‍നിര ആശുപത്രിയെ ഉദ്ധരിച്ച്‌ സണ്‍ പത്രം റിപ്പോര്‍ട്ട് ചെയ്തു .
വാക്സിന്‍റെ ആദ്യ ബാച്ച്‌ തയാറാണെന്നും നവംബര്‍ ആദ്യവാരത്തില്‍ വാക്സിന്‍ നല്‍കാനുള്ള തയാറാടെുപ്പ് നടത്താന്‍ ആശുപത്രിക്കു നിര്‍ദേശം കിട്ടിയെന്നു റിപ്പോര്‍ട്ടില്‍ പറയുന്നു. കോവിഡ് കൂടുതല്‍ മാരകമാകുന്ന പ്രായമേറിയവരില്‍ ആന്‍റിബോഡി ഉല്‍പദനം ത്വരിതപ്പെടുത്താന്‍ ഉതകുന്നതാണ് ഓക്സ്ഫര്‍ഡിന്‍റെ വാക്സിന്‍ എന്നാണ് റിപ്പോര്‍ട്ട് . സ്വീഡിഷ് ബ്രിട്ടീഷ് മരുന്നു കമ്ബനിയായ ആസ്ട്രസെനക എന്ന കമ്പനിയുമായി സഹകരിച്ചാണ് ഓക്സ്ഫഡിലെ ശാസ്ത്രജ്ഞര്‍ വാക്സിന്‍ വികസിപ്പിച്ചിരിക്കുന്നത് .
വാക്സിന്‍റെ രണ്ടും മൂന്നും പരീക്ഷണം നടക്കുന്നത് യുകെയിലാണ്. മൂന്നാം ഘട്ട പരീക്ഷണം ദക്ഷിണാഫ്രിക്കയിലും ബ്രസീലിലും നടക്കും . ഇന്ത്യയില്‍ ഓഗസ്റ്റില്‍ പരീക്ഷണം ആരംഭിക്കും. ആസ്ട്രസെനകയുമായി ഇന്ത്യയില്‍ സെറം ഇന്‍സ്റ്റിറ്റ്യൂട്ടാണ് സഹകരിക്കുന്നത്.
