പാരിസ്: ഫ്രാന്‍സ് പ്രസിഡന്‍റ് ഇമ്മാനുവല്‍ മാക്രോണിെന്‍റ ഇസ്ലാം വിരുദ്ധ പരാമര്‍ശങ്ങളില്‍ പ്രതിഷേധിച്ച്‌ ദേശീയ ടീം വിട്ടതായുള്ള റിപ്പോര്‍ട്ടുകള്‍ തള്ളി പോള്‍ പോഗ്ബ. തെന്‍റ ഇന്‍സ്റ്റഗ്രാം സ്റ്റോറിയില്‍ ‘ദി സണ്‍’െന്‍റ വാര്‍ത്തക്കൊപ്പം ‘അംഗീകരിക്കാനാത്ത വ്യാജവാര്‍ത്ത’ എന്ന് ചേര്‍ത്താണ് താരം നിലപാട് വ്യക്തമാക്കിയത്.
‘ദി സണ്‍’ ഉള്‍പ്പെടെയുള്ള അന്താരാഷ്ട്ര മാധ്യമങ്ങളിലും ‘കിക്കോഫ്’അടക്കമുള്ള ഫുട്ബാള്‍ വെബ്സൈറ്റുകളിലും പോഗ്ബ രാജിവെച്ചതായി വാര്‍ത്തകളുണ്ടായിരുന്നു. അറബിക് സ്പോര്‍ട്സ് വെബ്സൈറ്റായ 195 സ്പോര്‍ട്സും വാര്‍ത്ത റിപ്പോര്‍ട്ട് ചെയ്തിരുന്നു
മുഹമ്മദ് നബിയെ നിന്ദിച്ചെന്നാരോപിച്ച്‌ ഒരു കൂട്ടമാളുകള്‍ സാമുവല്‍ പാറ്റിയെന്ന അധ്യാപകനെ കൊലപ്പെടുത്തിയതിന് പിന്നാലെ മാക്രോണ്‍ നടത്തിയ പരാമര്‍ശങ്ങളാണ് പോഗ്ബയെ പ്രകോപിതനാക്കിയത് എന്നാണ് വാര്‍ത്തകളില്‍ പറഞ്ഞിരുന്നത്. സംഭവവുമായി ബന്ധപ്പെട്ട് പോഗ്ബയുടെ ഔദ്യോഗിക വിശദീകരണം ഇപ്പോഴാണ് പുറത്തുവന്നത്.
ലോക ഫുട്ബാളിലെ മികച്ച മിഡ്ഫീല്‍ഡര്‍മാരിലൊരാളായ പോള്‍ പോഗ്ബ ഫ്രാന്‍സിനായി 72 മത്സരങ്ങളില്‍ കളത്തിലിറങ്ങിയിട്ടുണ്ട്. ലോകകപ്പ് നേടിയ ഫ്രാന്‍സ് ടീമിലെ നിര്‍ണായക സാന്നിധ്യമായിരുന്ന പോഗ്ബ ഫൈനലിലടക്കം ഗോള്‍ നേടിയിരുന്നു. 2016ല്‍ പോഗ്ബയെ റെക്കോര്‍ഡ് തുകക്ക് മാഞ്ചസ്റ്റര്‍ യുനൈറ്റഡ് സ്വന്തമാക്കിയിരുന്നു. ഗിനിയയില്‍ നിന്നും ഫ്രാന്‍സിലേക്ക് കുടിയേറിയ പോഗ്ബ ഇസ്ലാം മത വിശ്വാസിയാണ്.
