ന്യൂയോര്‍ക്ക്: അമേരിക്കയിലെ വെള്ളക്കാര്‍, മറ്റു വ്യത്യസ്ഥ രാജ്യങ്ങളില്‍ നിന്നുള്ളവര്‍, ഇവരില്‍ എല്ലാവരെയുംകാള്‍ കുടുംബ വാര്‍ഷിക വരുമാനം ഉള്ളവര്‍ ഇന്ത്യനമേരിക്കന്‍ വംശജരാണെന്ന് സര്‍വ്വേ. 120,000 ഡോളര്‍ വാര്‍ഷിക വരുമാനം വാങ്ങുന്നവരാണ് ഇന്ത്യക്കാരെന്ന് ഏഷ്യന്‍ അമേരിക്കന്‍ കൊയലേഷന്‍ നടത്തിയ സര്‍വ്വേയിലാണ് ചൂണ്ടിക്കാണിക്കുന്നത്.
അതോടൊപ്പം 7 ശതമാനം ഇന്ത്യന്‍ വംശജര്‍ ഫെഡറല്‍ പോവര്‍ട്ടി ലൈനിന് താഴെയുള്ളവരാണെന്നും സര്‍വ്വേ പറയുന്നു. ഏറ്റവും കൂടുതല്‍ പൗരന്മാര്‍ ദാരിദ്ര്യരേഖയ്ക്ക് താഴെ കഴിയുന്നത് ബര്‍മ്മയില്‍ നിന്നുള്ളവരാണ്. നേപ്പാള്‍, ബംഗ്ളാദേശ് എന്നീ രാജ്യക്കാരുടെ വാര്‍ഷിക വരുമാനം 46000-ത്തില്‍ നില്‍ക്കുമ്ബോള്‍ പാക്കിസ്ഥാനില്‍ നിന്നുള്ളവരുടെ വാര്‍ഷിക വരുമാനം ശരാശരി 79,000 ഡോളറാണ്.
ഏഷ്യനമേരിക്കന്‍ (11%), ബ്ളാക്ക് ആന്‍ഡ് നേറ്റീവ് അമേരിക്കന്‍സ് (24%) , ലാറ്റിനോ (18%) എന്നീ ക്രമത്തിലാണ് ദാരിദ്ര്യരേഖയ്ക്ക് താഴെ കഴിയുന്നവര്‍. ഏഷ്യന്‍ ഇമിഗ്രന്റ്സില്‍ 6 ശതമാനം ബിരുദമോ , ബിരുദാനന്തര ബിരുദമോ നേടിയവരാണ്. യു.എസ്. പോപ്പുലേഷനില്‍ മൂന്നില്‍ ഒരു ഭാഗം മാത്രമാണ് യൂണിവേഴ്സിറ്റിയില്‍ നിന്നും ബിരുദം നേടി പുറത്തു വരുന്നത്.
