ദുബായ്: കൊവിഡ് വ്യാപനം കൂടിയ സാഹചര്യത്തില്‍ നിയന്ത്രണം കൂടുതല്‍ കൂടുതല്‍ ശക്തമാക്കി ദുബായ്. ദുബായിലെത്തുന്ന എല്ലാ യാത്രക്കാര്‍ക്കും കൊവിഡ് പരിശോധന നിര്‍ബന്ധമാക്കി. ജനുവരി 31 മുതല്‍ പുതിയ നിബന്ധനകള്‍ പ്രാബല്യത്തില്‍ വരും.
ഏത് രാജ്യത്ത് നിന്നും എത്തുന്നവര്‍ക്കും ഈ നിബന്ധന ബാധകമാണ്. യു‌എ‌ഇയ്ക്ക് പുറത്തുപോയി വരുന്ന താമസ വിസക്കാര്‍, വിസിറ്റ് വിസക്കാര്‍, മറ്റ് ഗള്‍ഫ് പൗരന്മാര്‍ എന്നിവരും ദുബായിലേക്ക് വരുന്നതിന് മുമ്ബ് കൊവിഡ് പരിശോധന നടത്തണം. പരിശോധനാഫലങ്ങളുടെ കാലാവധി 96 മണിക്കൂറില്‍ നിന്നും 72 മണിക്കൂറാക്കി. ദുബായ് വിമാനത്താവളത്തില്‍ വീണ്ടും പരിശോധന നടത്തും.
കൊവിഡ് പ്രതിരോധത്തിനായി തയാറാക്കിയ അല്‍ ഹൊസന്‍ ആപ് എല്ലാവരും ഡൗണ്‍ണ്‍ലോഡ് ചെതിരിക്കണം. കൊവിഡ് ഫലം വരുന്നതുവരെ ക്വാറന്റൈനിലിരിക്കണം. പോസിറ്റീവാണെങ്കില്‍ 10 ദിവസം കൂടി ഹോം ക്വാറന്റൈനില്‍ പ്രവേശിക്കണം.
എല്ലാ യാത്രക്കാര്‍ക്കും കൊവിഡ് ടെസ്റ്റ്‍ നിര്‍ബന്ധമാക്കി ദുബായ്, പരിശോധനാഫലങ്ങളുടെ കാലാവധി 96ല്‍ നിന്നും 72 മണിക്കൂറാക്കി
