മൂന്ന് ഫോര്‍മാറ്റിലും ഓസ്ട്രേലിയന് നായക സ്ഥാനത്തേക്ക് സ്റ്റാര്‍ പേസര്‍ പാറ്റ് കമ്മിന്‍സിനെ നിയമിക്കണമെന്ന് ആവശ്യവുമായി മുന്‍ താരം മൈക്കല്‍ ക്ലര്‍ക്ക്. ഇന്ത്യക്കെതിരായ പരമ്ബരയില്‍ കമ്മിന്‍സന്‍ തന്റെ നേതൃശേഷി കാണിച്ചു തന്നെന്നും ക്ലര്‍ക്ക് പറയുന്നു.
‘താന്‍ തയ്യാറാണെന്ന് നമുക്ക് കാണിച്ച്‌ തരികയാണ് കമിന്‍സ് ചെയ്തത്. തന്റെ വ്യക്തിത്വം എന്തെന്ന് കമിന്‍സ് കാണിച്ചു തന്നു. നമ്മള്‍ തോല്‍പ്പിക്കപ്പെട്ട പരമ്ബരയിലെ താരമായാണ് കമ്മിന്‍സ് മാറിയത്. ഓസ്ട്രേലിയക്ക് വേണ്ടി തല ഉയര്‍ത്തി നിന്ന താരമാണ് കമിന്‍സ്’ ക്ലര്‍ക്ക് പറയുന്നു.
പെയ്നിന്റെ സമയം അവസാനിക്കുകയും, ഏതാനും യുവ താരങ്ങളെ ടീമിലേക്ക് കൊണ്ടുവരികയും ചെയ്താല്‍ കമ്മിന്‍സിനെ നായക സ്ഥാനത്തേക്ക് ഞാന്‍ പിന്തുണയ്ക്കുന്നു. കമ്മിന്‍സ് നായകനായാല്‍ സ്മിത്ത്, വാര്‍ണര്‍, ഹെയ്സല്‍വുഡ്, നഥാന്‍ ലിയോണ്‍ എന്നിവരെ പോലെ മുതിര്‍ന്ന കളിക്കാരുടെ സഹായം കമ്മിന്‍സിന് വേണ്ടി വരുമെന്നും ക്ലര്‍ക്ക് വിലയിരുത്തുന്നു.
