താങ്ക്യു എന്ന സിനിമയുടെ ചിത്രീകരണത്തിന്റെ തിരക്കിലാണ് നാഗ ചൈതന്യ. ചിത്രത്തിന്റെ സ്റ്റീല്‍സ് ഓണ്‍ലൈനില്‍ തരംഗമായിരുന്നു. ചിത്രത്തിലെ നായികയായി രാകുല്‍ പ്രീത് സിംഗിനെ നാഗ ചൈതന്യ നിര്‍ദേശിച്ചുവെന്നാണ് പുതിയ വാര്‍ത്ത. നായികയെ കുറിച്ചുള്ള കാര്യത്തില്‍ ഔദ്യോഗിക പ്രഖ്യാപനമുണ്ടായിട്ടില്ല. രാകുല്‍ പ്രീത് സിംഗ് ഇപ്പോള്‍ കൃഷിന്റെ ചിത്രത്തിലാണ് അഭിനയിക്കുന്നത്.
വിക്രം കെ കുമാറാണ് താങ്ക്യു എന്ന സിനിമ സംവിധാനം ചെയ്യുന്നത്. പി സി ശ്രീറാം ആണ് ഛായാഗ്രാഹകന്‍. എസ് തമന്‍ ആണ് സംഗീത സംവിധായകന്‍. മഹേഷ് ബാബുവിന്റെ ആരാധകനായ ഹോക്കി താരമായാണ് നാഗ ചൈതന്യ ചിത്രത്തില്‍ അഭിനയിക്കുന്നത്. അതെ സമയം മനം എന്ന സിനിമയ്‍ക്ക് വേണ്ടി വിക്രമും നാഗചൈതന്യയും ഒന്നിച്ചിട്ടുണ്ട്. ചിത്രത്തില്‍ നാഗ ചൈതന്യയുടെ ഭാര്യ കൂടിയായ സാമന്തയും അഭിനയിച്ചിരുന്നു.
