ലക്നോ: ജനിതകമാറ്റം സംഭവിച്ച കോവിഡ് ഉത്തര്‍പ്രദേശില്‍ രണ്ടു വയസുകാരിക്ക് സ്ഥിരീകരിച്ചു. ഉത്തര്‍പ്രദേശിലെ മീററ്റില്‍ ആണ് പുതിയ കോവിഡ് സ്ഥിരീകരിച്ചത്. ബ്രിട്ടനില്‍ നിന്നും മാതാപിതാക്കള്‍ക്കൊപ്പം കുറച്ച്‌ ദിവസങ്ങള്‍ക്ക് മുമ്ബ് എത്തിയ രണ്ട് വയസുകാരിക്കാന്‍ പുതിയ കോവിഡ് രോഗം സ്ഥിരീകരിച്ചത്.
കുട്ടിക്ക് കോവിഡ് സ്ഥിരീകരിച്ചതോടെ രാജ്യത്ത് അതിതീവ്ര വൈറസ് ബാധിച്ചവരുടെ എണ്ണം ഏഴായി.കുട്ടിയുടെ മാതാപിതാക്കള്‍ക്ക് നെഗറ്റീവ് ആണ്. മുംബൈയില്‍ പ്രത്യേക നിരീക്ഷണ കേന്ദ്രത്തിലേക്ക് യൂറോപ്പില്‍നിന്നെത്തിയ 361 പേരെ മാറ്റി. ഇവരുടെ സാമ്ബിളുകള്‍ വിദഗ്ധ പരിശോധനയ്ക്ക് അയച്ചിരിക്കുകയാണ്.
