റിയാദ്: സൗദി അറേബ്യയില്‍ കൊറോണ വൈറസ് രോഗം ബാധിച്ച 207 പേര്‍ കൂടി രോഗമുക്തരായി. ഒമ്ബത് പേര്‍ രാജ്യത്തെ വിവിധ ഭാഗങ്ങളിലായി മരിക്കുകയുണ്ടായി. 178 പേര്‍ക്ക് പുതുതായി വൈറസ് ബാധ റിപ്പോര്‍ട്ട് ചെയ്തിരിക്കുന്നു. ഇതോടെ രാജ്യത്ത് റിപ്പോര്‍ട്ട് ചെയ്ത കോവിഡ് കേസുകളുടെ ആകെ എണ്ണം 361903 ഉം രോഗമുക്തരുടെ എണ്ണം 352815 ഉം ആയി ഉയര്‍ന്നു. മരണസംഖ്യ 6168 ആയി ഉയര്‍ന്നു.
രോഗ ബാധിതരായി രാജ്യത്ത് ബാക്കിയുള്ളത് 2920 പേരാണ്. ഇതില്‍ 376 പേര്‍ മാത്രമാണ് ഗുരുതരാവസ്ഥയില്‍ കഴിയുന്നത്. ഇവര്‍ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ് ഉള്ളത്. ബാക്കിയുള്ളവരുടെ ആരോഗ്യ സ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമായി തുടരുന്നു.
24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട് ചെയ്ത പുതിയ കോവിഡ് കേസുകള്‍: റിയാദ് 44, മക്ക 31, മദീന 31, കിഴക്കന്‍ പ്രവിശ്യ 29, അസീര്‍ 9, തബൂക്ക് 9, വടക്കന്‍ മേഖല 7, ഖസീം 6, അല്‍ബാഹ 4, അല്‍ജൗഫ് 3, ഹാഇല്‍ 3, നജ്റാന്‍ 1, ജീസാന്‍ 1.
