റാന്നി: കോവിഡ്​ 19നെതിരെ പോരാടി ജീവിതത്തിലേക്ക്​ മടങ്ങിയ 93കാരന്‍ പത്തനംതിട്ട റാന്നി ഐത്തല പട്ടയില്‍ എബ്രഹാം തോമസ്​ അന്തരിച്ചു. വാര്‍ധക്യ സഹജമായ അസുഖ​ത്തെ തുടര്‍ന്നാണ്​ മരണം. കോവിഡ്​ മുക്തനായി എട്ടുമാസത്തിന്​ ശേഷമാണ്​ മരണം.

കേരളത്തില്‍ കോവിഡ്​ വ്യാപനത്തിന്‍റെ രണ്ടാം ഘട്ടത്തില്‍ ആദ്യം രോഗം സ്​ഥിരീകരിച്ച ഇറ്റലിയില്‍ നിന്നെത്തിയവരുടെ മാതാപിതാക്കളാണിവര്‍. തോമസിന്‍റെയും ഭാര്യയുടെയും കോവിഡ്​ രോഗമുക്തി നേടിയുള്ള തിരിച്ചുവരവ്​ രാജ്യശ്രദ്ധ ആകര്‍ഷിച്ചിരുന്നു. ആ സമയത്ത്​ ഇന്ത്യയില്‍ കോവിഡ്​ ഭേദമായ ഏറ്റവും പ്രായം കൂടിയ രോഗികളില്‍ ഒരാളായിരുന്നു എബ്രഹാം തോമസ്​.

മാര്‍ച്ച്‌​ എട്ടിനാണ്​ ഇവര്‍ക്ക്​ കോവിഡ്​ സ്​ഥിരീകരിച്ചത്​. എബ്രഹാം തോമസിനെയും മറിയാമ്മയെയും ആദ്യം പത്തനംതിട്ട ജനറല്‍ ആശുപത്രിയിലും പിന്നീട്​ കോട്ടയം മെഡിക്കല്‍ കോളജിലും ചികിത്സിക്കുകയായിരുന്നു. 27 ദിവസത്തെ ചികിത്സക്ക്​ ശേഷം ഇരുവരും രോഗമുക്തി നേടി ആശുപത്രി വിട്ടു.