ലോകത്ത് കൊവിഡ് ബാധിതരുടെ എണ്ണം ആറ് കോടി മുപ്പത്തിയഞ്ച് ലക്ഷം കടന്നു . 4,87,807 പേര്‍ക്കാണ് പുതുതായി വൈറസ് ബാധ സ്ഥിരീകരിച്ചത്. വേള്‍ഡോമീറ്ററിന്റെ കണക്കുപ്രകാരം ആകെ രോഗബാധിതരുടെ എണ്ണം 6,35,69,400 ആയി ഉയര്‍ന്നു. 14,73,405 പേര്‍ മരിച്ചു. നാല് കോടി മുപ്പത്തിയൊമ്ബത് ലക്ഷം പേര്‍ രോഗമുക്തി നേടി.
അമേരിക്കയില്‍ ഒരു കോടി മുപ്പത്തിയൊമ്ബത് ലക്ഷം പേര്‍ക്കാണ് ഇതുവരെ കൊവിഡ് സ്ഥിരീകരിച്ചത്. ഒന്നരലക്ഷത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. 2,74,289 പേര്‍ മരിച്ചു. രോഗമുക്തി നേടിയവരുടെ എണ്ണം എണ്‍പത്തിരണ്ട് ലക്ഷം കടന്നു.
ഇന്ത്യയില്‍ കൊവിഡ് ബാധിതരുടെ എണ്ണം 95 ലക്ഷത്തോടടുത്തു. കഴിഞ്ഞദിവസം 38,772 പേര്‍ക്കാണ് രോഗം സ്ഥിരീകരിച്ചത്. നിലവില്‍ 4,46,952 പേരാണ് ചികിത്സയിലുള്ളത്. ആകെ രോഗികളുടെ 4.74 ശതമാനമാണിത്. രോഗമുക്തി നിരക്ക് 93.81 ശതമാനമായി വര്‍ദ്ധിച്ചു. ആകെ രോഗമുക്തര്‍ 88,47,600 ആണ്. രോഗമുക്തരും ചികിത്സയിലുള്ളവരും തമ്മിലുള്ള അന്തരം വര്‍ദ്ധിച്ച്‌ 84,00,648 ആയി.
ബ്രസീലില്‍ കഴിഞ്ഞ 24 മണിക്കൂറിനിടെ 21,138 പേര്‍ക്കാണ് വൈറസ് ബാധിച്ചത്. ഇതോടെ കോവിഡ് ബാധിതരുടെ എണ്ണതക്തില്‍ മൂന്നാമതുള്ള ബ്രസീലിലെ ആകെ കോവിഡ് ബാധിതരുടെ എണ്ണം 6,335,878 ആയി.272 പേര്‍കൂടി പുതിയതായി മരണമടഞ്ഞതോടെ രാജ്യത്തെ ആകെ മരണങ്ങളുടെ എണ്ണം 173,120 ആയി ഉയര്‍ന്നു. 5,601,804 പേരാണ് ബ്രസീലില്‍ ഇതുവരെ രോഗമുക്തി നേടിയത്.
