ഗുജറാത്ത്: കോവിഡ് രൂക്ഷമായി തുടരുന്ന സാഹചര്യത്തില്‍ ആര്‍.ടി.പി.സി.ആര്‍ പരിശോധന മാത്രം മതിയാകില്ലെന്ന്​ ഗുജറാത്തിലെ ഡോക്​ടര്‍മാര്‍. സി.ടി. സ്​കാന്‍ കൂടി വേണമെന്നാണ്​ ഡോക്​ടര്‍മാര്‍ പറയുന്നത്​. ശ്വാസകോശത്തില്‍ രോഗബാധ അവശേഷിക്കുന്നില്ലെന്ന്​ ഉറപ്പാക്കാനാണ് സി.ടി. സ്​കാന്‍ ചെയുന്നത്. ആര്‍.ടി.പി.സി.ആര്‍ പരിശോധനയില്‍ കോവിഡ് നെഗറ്റീവായ പലരുടെയും ശ്വാസകോശത്തില്‍ രോഗ ബാധയുള്ളതായി ഹൈ റെസലൂഷന്‍ സി.ടി സ്കാനില്‍ തെളിഞ്ഞിട്ടുള്ളതിനാല്‍ സി.ടി. സ്​കാനില്‍ രോഗബാധയില്ലെന്ന്​ കണ്ടെത്തുന്നതുവരെ കോവിഡ്​ പോസിറ്റീവാണെന്ന മുന്‍ കരുതല്‍ വേണമെന്ന്​ കാണിച്ച്‌​ വഡോദര മുന്‍സിപ്പല്‍ കോര്‍പറേഷന്‍ അറിയിപ്പ്​ പുറപ്പെടുവിച്ചു. അതേസമയം, കോവിഡ്​​ നെഗറ്റീവായ ശേഷം ലക്ഷണങ്ങളൊന്നും ഇല്ലാതെ തന്നെ ശ്വാസകോശത്തില്‍ രോഗം വ്യാപിക്കുന്നതായി നിരവധി അനുഭവങ്ങളുണ്ടെന്ന്​ പകര്‍ച്ച രോഗ വിദഗ്​ദന്‍ ഡോ. ഹിദന്‍ കരേലിയ പറയുന്നു.