കുളത്തൂപ്പുഴ: ജാമ്യത്തിലിറങ്ങിയ പോക്സോ കേസ് പ്രതി അതേ പെണ്‍കുട്ടിയെ വീണ്ടും പീഡിപ്പിക്കാന്‍ ശ്രമിച്ചുവെന്ന പരാതിയില്‍ വീണ്ടും പൊലീസ് പിടിയിലായി. കുളത്തൂപ്പുഴ മഠത്തിക്കോണം അനീഷ് ഭവനില്‍ അജിത് (22) ആണ് കഴിഞ്ഞദിവസം കുളത്തൂപ്പുഴ പൊലീസ് വീണ്ടും അറസ്റ്റ് ചെയ്തത്.
ഒരു വര്‍ഷം മുമ്ബ് ഒമ്ബതാം ക്ലാസ് വിദ്യാര്‍ഥിനിയെ ബലാത്സംഗം ചെയ്യാന്‍ ശ്രമിച്ചതിന് പോക്സോ ചുമത്തി കുളത്തൂപ്പുഴ പൊലീസ് അജിത്തിനെ പിടികൂടിയിരുന്നു. മൂന്നുമാസം മുമ്ബാണ് ഇയാള്‍ ജാമ്യത്തിലിറങ്ങിയത്.
വീണ്ടും ഇതേ പെണ്‍കുട്ടിയെ ആളില്ലാത്ത ബന്ധുവീട്ടിലെത്തിച്ച്‌ ബലാത്സംഗം ചെയ്യാന്‍ ശ്രമിച്ചത് സംബന്ധിച്ച്‌ സമീപവാസികളായ നാട്ടുകാര്‍ നല്‍കിയ രഹസ്യവിവരത്തെ തുടര്‍ന്ന് പൊലീസ് പിടികൂടുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
