ഇന്ത്യ- ചൈന അതിര്‍ത്തിയിലെ സൈനിക വിന്യാസം കുറയ്ക്കാന്‍ നടപടികള്‍ വേഗത്തിലാക്കി ചൈന. പാംഗോങ് സോ തടാകക്കരയില്‍ നിന്ന് ചൈനീസ് സൈന്യം പിന്മാറി തുടങ്ങിയതിന്റെ ദൃശ്യങ്ങള്‍ ഇന്ത്യന്‍ സൈന്യം പുറത്തുവിട്ടു.
ഇതിനോടകം മേഖലയില്‍ സ്ഥാപിച്ചിരുന്ന ഹെലിപാഡ് ഉള്‍പ്പെടെ ചൈനീസ് സൈന്യം നീക്കം ചെയ്തു. ടെന്റുകളും ബങ്കറുകളും ഉള്‍പ്പെടെ ചൈനീസ് സൈന്യം പൊളിച്ചുമാറ്റി. മാത്രമല്ല, ഭാരം വഹിച്ച്‌ ചൈനീസ് സൈന്യം നടന്നു നീങ്ങുന്നതിന്റെ ദൃശ്യങ്ങളും ഇന്ത്യ പുറത്തുവിട്ടിട്ടുണ്ട്.
ഇതിനു പുറമേ, വലിയ തോക്കുകള്‍ ഘടിപ്പിക്കാനുള്ള സംവിധാനവും മറ്റ് യുദ്ധോപകരണങ്ങളും ചൈനീസ് സൈന്യം നീക്കം ചെയ്തതായി ഇന്ത്യന്‍ സൈനിക വൃത്തങ്ങള്‍ അറിയിച്ചു.
