വാഷിങ്ടണ്‍: രാഷ്ട്രീയ യാത്ര തുടങ്ങിയിേട്ടയുള്ളുവെന്ന് യു.എസ് മുന്‍ പ്രസിഡന്‍റ് ഡോണള്‍ഡ് ട്രംപ്. ഇംപീച്ച്‌മെന്‍റ് പ്രമേയം സെനറ്റില്‍ പരാജയപ്പെട്ടതിന് പിന്നാലെയാണ് ഡോണള്‍ഡ് ട്രംപിന്‍റെ പ്രതികരണം.
അമേരിക്കയെ വീണ്ടും മികച്ചതാക്കാനുള്ള ചരിത്രപരവും ദേശസ്നേഹത്തിലൂന്നിയുള്ളതുമായ ഞങ്ങളുടെ പോരാട്ടം തുടങ്ങിയിേട്ടയുള്ളുവെന്ന് ട്രംപ് പറഞ്ഞു. ഇനിയും ഒരുപാട് ജോലി ബാക്കിയുണ്ട്. പരിധികളില്ലാത്ത അമേരിക്കയെ സൃഷ്ടിക്കുന്നതിനുള്ള പോരാട്ടമാണിതെന്നും ട്രംപ് വ്യക്തമാക്കി.
ട്രംപിനെ ഇംപീച്ച്‌ ചെയ്യാനുള്ള പ്രമേയം സെനറ്റില്‍ പരാജയപ്പെട്ടിരുന്നു. 100 അംഗങ്ങളുള്ള സെനറ്റില്‍ 57 പേര്‍ പ്രമേയത്തെ അനുകൂലിച്ചിരുന്നു. എന്നാല്‍, മൂന്നില്‍ രണ്ട് ഭൂരിപക്ഷം ലഭിക്കാത്തതിനാല്‍ പ്രമേയം പരാജയപ്പെട്ടു.
