യുഎഇയില്‍ കാലാവധി കഴിഞ്ഞ വിസിറ്റിങ് വിസകള്‍ മാര്‍ച്ച്‌ 31വരെ നീട്ടിയതായി റിപ്പോര്‍ട്ട്. കാലാവധി കഴിഞ്ഞ വിസക്കാര്‍ എമിഗ്രേഷന്‍റെ വെബ്സൈറ്റില്‍ പരിശോധിച്ചപ്പോഴാണ് കാലാവധി നീട്ടിക്കിട്ടിയതായി കണ്ടത്. ഡിസംബറില്‍ വിസ തീര്‍ന്നവരുടെ കാലാവധിയും ഇത്തരത്തില്‍ നീട്ടിയതായി കാണുന്നുണ്ട്. അതേസമയം, ഇത് സംബന്ധിച്ച്‌ ഔദ്യോഗിക വിശദീകരണം വന്നിട്ടില്ല.
കാലാവധി നീട്ടിയാല്‍ യു.എ.ഇയില്‍ കുടുങ്ങിയ പ്രവാസികള്‍ക്ക് അത് വലിയൊരു ആശ്വാസമാവും. പലരും വിസ കഴിഞ്ഞും ഇവിടെ തങ്ങുകയാണ്. അടുത്ത ദിവസങ്ങളില്‍ തന്നെ വിസ കാലാവധി കഴിയുന്നവരുമുണ്ട്. കാലാവധി കഴിഞ്ഞ് തങ്ങിയാല്‍ വന്‍ തുക പിഴ അടക്കേണ്ടി വരും.
