സിനിമാ താരം പാര്‍വതി തിരുവോത്തിനെ നിയമസഭാ തിരഞ്ഞെടുപ്പില്‍ മത്സരിപ്പിക്കാന്‍ നീക്കം. സിപിഎം അനുഭാവികളായ ചലച്ചിത്രപ്രവര്‍ത്തകരാണ് നീക്കത്തിനു പിന്നില്‍.
ശക്തമായ നിലപാടുകളിലൂടെയും ധീരമായ അഭിപ്രായ പ്രകടനങ്ങളിലൂടെയും ശ്രദ്ധേയയാണ് പാര്‍വതി. രാഷ്ട്രീയ സാമൂഹിക വിഷയങ്ങളില്‍ തന്റെ വീക്ഷണങ്ങള്‍ തുറന്നുപറയുകയും ചെയ്യുന്ന നടിയാണ് പാര്‍വതി.
കേരളത്തില്‍ ഏറെ സ്വീകാര്യതയുള്ള നടിയാണ് പാര്‍വതി. പാര്‍വതിയുടെ സ്ഥാനാര്‍ത്ഥിത്വം യുവതലമുറയെയും സ്വതന്ത്ര നിലപാടുകള്‍ സ്വീകരിക്കുന്നവരെയും ആകര്‍ഷിക്കാന്‍ സഹായിക്കും. ഇടതുനിലപാടുകളുള്ള താരമാണ് പാര്‍വതിയെന്നതും സ്ഥാനാര്‍ത്ഥിത്വം അംഗീകരിക്കാനുള്ള അനുകൂല ഘടകമാണ്.
ഡല്‍ഹിയിലെ കര്‍ഷക സമരത്തെക്കുറിച്ച്‌ പാര്‍വതി നടത്തിയ പ്രതികരണം വലിയ ചര്‍ച്ചയായി. അഭിപ്രായപ്രകടനങ്ങളുടെ പേരില്‍ ഏറെ സൈബര്‍ ആക്രമണങ്ങളും പാര്‍വതി നേരിട്ടിട്ടുണ്ട്.
