തിരുവനന്തപുരം: മദ്യം വാങ്ങുന്നതിനായി ബിവറേജസ് കോര്‍പ്പറേഷന്‍ ഏര്‍പ്പെടുത്തിയ ടോക്കണ്‍ സമ്ബ്രദായം നിര്‍ത്തലാക്കി. ഇതിന്‍റെ ഭാഗമായി ബെവ്ക്യു ആപിന്‍റെ സേവനം നിര്‍ത്താന്‍ സംസ്ഥാന സര്‍ക്കാര്‍ തീരുമാനിച്ചു.
നേരത്തെ സംസ്ഥാനത്ത് ബാറുകള്‍ തുറന്നിരുന്നു. ഇതേ തുടര്‍ന്ന് ബെവ് ക്യൂ ആപും ഒഴിവാക്കണമെന്ന് ആവശ്യമുയര്‍ന്നിരുന്നു. കോവിഡിന്‍റെ പശ്ചാത്തലത്തില്‍ 2020 മെയ് 28നായിരുന്നു ബെവ് ക്യൂ ആപ് നിലവില്‍ വന്നത്.
ആപിന്‍റെ കാര്യക്ഷമതയുമായി ബന്ധപ്പെട്ട് നിരവധി വിവാദങ്ങള്‍ ഉയര്‍ന്നുവെങ്കിലും സര്‍ക്കാര്‍ ബെവ് ക്യൂവുമായി മുന്നോട്ട് പോവുകയായിരുന്നു. തുടര്‍ന്ന് ആപിലൂടെ ബാറുകള്‍ക്കാണ് കൂടുതല്‍ ടോക്കണുകള്‍ നല്‍കുന്നതെന്ന് ബിവറേജസ് കോര്‍പ്പറേഷന്‍ ആരോപണം ഉന്നയിച്ചു. എന്നാല്‍, ആപ് പിന്‍വലിക്കാന്‍ അന്നും സര്‍ക്കാര്‍ തയാറായില്ല.
