പാലക്കാട്​: സാമ്പത്തിക തട്ടിപ്പ് കേസില്‍ ബി.ജെ.പി നേതാവ് കുമ്മനം രാജേശേഖരനെതിരെ കേസ്​ രജിസ്​റ്റര്‍ ചെയ്​തതില്‍ പ്രതികരണവുമായി നടനും സംവിധായകനുമായ മേജര്‍ രവി.

”കുമ്മനംജിക്കെതിരായ നടപടിയെ ഞാന്‍ അപലപിക്കുന്നു. എനിക്കറിയുന്ന കാലം മുതലേ അദ്ദേഹം നേരുള്ള വ്യക്തിയാണ്​. രാഷ്​ട്രീയ പ്രതികാരം അ​ദ്ദേഹത്തെപ്പോലെയുളള എളിയ മനുഷ്യരില്‍ പ്രയോഗിക്കരുത്​. ഇത്​ വളരെ നിരാശാജനകമാണ്” -മേജര്‍ രവി ഫേസ്​ബുക്കിലൂടെ പ്രതികരിച്ചു.

ആറന്മുള സ്വദേശിയില്‍ നിന്നും 28.75 ലക്ഷം രൂപ തട്ടിയെടുത്തെന്ന കേസില്‍ അഞ്ചാം പ്രതിയായി കുമ്മനം രാജശേഖര​െന്‍റ പേരുചേര്‍ത്തിരുന്നു. കുമ്മനത്തിന്‍റെ മുന്‍ പി.എ പ്രവീണാണ് കേസിലെ ഒന്നാം പ്രതി. പണം തിരിമറി, വിശ്വാസ വഞ്ചന എന്നീ വകുപ്പുകളിലാണ് ആറന്മുള പൊലീസ് കേസെടുത്തിരുന്നത്​.