കാസര്‍കോട്: പാണത്തൂര്‍ ബസ് അപകടത്തിന് കാരണം യന്ത്രതകരാറല്ലെന്ന് ആര്‍.ടി.ഒയുടെ പ്രാഥമിക നിഗമനം. ബസിന്‍റെ ടയറിന് തേയ്മാനമോ ബ്രേക്കിന് പ്രശ്നങ്ങളോ കണ്ടെത്താനായില്ല. ഫിറ്റ്നസ് സര്‍ട്ടിഫിക്കറ്റുള്ള വണ്ടിയാണെന്നും കാസര്‍കോട് ആര്‍.ടി.ഒ രാധാകൃഷ്ണന്‍ വ്യക്തമാക്കി.

ഡ്രൈവറുടെ അശ്രദ്ധയും പരിചയകുറവും കൂടുതല്‍ ആളുകളെ കയറ്റിയതും അപകടത്തിന് കാരണമായിട്ടുണ്ടാകാം. ക്രെയിന്‍ ഉപയോഗിച്ച്‌ ബസ് ഉയര്‍ത്തിയ േശഷം കൂടുതല്‍ പരിശോധന നടത്തുമെന്നും ആര്‍.ടി.ഒ വാര്‍ത്താ ചാനലിനോട് പറഞ്ഞു.

കേ​ര​ള-​ക​ര്‍​ണാ​ട​ക അ​തി​ര്‍​ത്തി​യാ​യ പാ​ണ​ത്തൂ​ര്‍ പ​രി​യാ​ര​ത്തി​ന​ടു​ത്ത് വി​വാ​ഹ​സം​ഘം സ​ഞ്ച​രി​ച്ച ബ​സ് നി​യ​ന്ത്ര​ണം വി​ട്ട് വീ​ടി​നു മു​ക​ളി​ലേ​ക്ക് മ​റി​ഞ്ഞുണ്ടായ അപകടത്തില്‍ ക​ര്‍ണാ​ട​ക സ്വ​ദേ​ശി​ക​ളാ​യ ഏ​ഴു ​പേരാണ് മ​രി​ച്ചത്. അ​മ്ബ​തോ​ളം പേ​ര്‍​ക്ക്​​ പ​രി​ക്കേ​റ്റു.

ക​ര്‍​ണാ​ട​ക പു​ത്തൂ​രി​ല്‍ ​നി​ന്ന്​ ക​രി​ക്കെ​യി​ലേ​ക്ക്​ വി​വാ​ഹ​ച​ട​ങ്ങി​ല്‍ പ​​ങ്കെ​ടു​ക്കാ​ന്‍ പോ​ക​വെ​യാ​ണ്​ കേ​ര​ള​ത്തി​ലെ പാ​ണ​ത്തൂ​ര്‍ പ​രി​യാ​ര​ത്ത്​ ബ​സ്​ അ​പ​ക​ട​ത്തി​ല്‍​പെ​ട്ട​ത്. ഇ​റ​ക്ക​ത്തി​ല്‍ നി​യ​ന്ത്ര​ണം​വി​ട്ട്​ റോ​ഡ​രി​കി​ലെ ക​മ്യൂ​ണി​റ്റി​ഹാ​ളി​ല്‍ ഇ​ടി​ച്ച ​ശേ​ഷം ആ​ള്‍​ത്താ​മ​സ​മി​ല്ലാ​ത്ത വീ​ടി​നു​ മു​ക​ളി​ലേ​ക്ക്​ പ​തി​ക്കു​ക​യാ​യി​രു​ന്നു.

അപകടത്തെ കുറിച്ച്‌ അന്വേഷിക്കാന്‍ കാസര്‍കോട് കലക്ടറോട് ഗതാഗത മന്ത്രി നിര്‍ദേശം നല്‍കിയിട്ടുണ്ട്. റീജണല്‍ ട്രാന്‍സ്പോര്‍ട്ട് ഒാഫീസറോട് അടിയന്തര റിപ്പോര്‍ട്ട് തേടിയിട്ടുണ്ട്.