മെല്‍ബണ്‍: വിരാട് കോഹ്ലി ഭാര്യയുടെ പ്രസവത്തിനായി നാട്ടിലേക്ക് മടങ്ങിയതും രോഹിത് ശര്‍മ ഇനിയും ടീമിനൊപ്പം ചേരാത്തതും മുഹമ്മദ് ഷമി പരിക്കേറ്റ് പുറത്താവുകയും ചെയ്ത സാഹചര്യത്തില്‍ ബോക്സിങ് ഡേ ടെസ്റ്റില്‍ ആസ്ട്രേലിയക്കെതിരെ ഇന്ത്യയുടെ തിരിച്ചുവരവ് പ്രതീക്ഷിച്ചവര്‍ വളരെ ചുരുക്കമായതിരുന്നു. എന്നാല്‍ അഡ്ലെയ്ഡ് ഓവലില്‍ 36 റണ്‍സിന് പുറത്തായി നാണം കെട്ട ഇന്ത്യ പരമ്ബര തോറ്റമ്ബുമെന്ന് പ്രവചിച്ചവര്‍ നിരവധിയാണ്. മുന്‍ ഇംഗ്ലീഷ് നായകനും കമേന്‍ററ്ററുമായ മൈക്കല്‍ വോണ്‍, മുന്‍ ആസട്രേലിയന്‍ നായകന്‍ റിക്കി പോണ്ടിങ് എന്നിവര്‍ ഇന്ത്യ പരമ്ബരയില്‍ സമ്ബുര്‍ണ്ണ തോല്‍വി ഏറ്റുവാങ്ങുമെന്ന് പ്രവചിച്ചു.
‘പറഞ്ഞില്ലേ ഇന്ത്യ ടെസ്റ്റ് പരമ്ബരയില്‍ ആസ്ട്രേലിയയോട് 4-0ത്തിന് തോല്‍ക്കാന്‍ പോകുകയാണ്’ വോണ്‍ ഡിസംബര്‍ 19ന് ട്വീറ്റ് ചെയ്തു. ഇപ്പോള്‍ എം.സി.ജിയില്‍ എട്ട് വിക്കറ്റിന്‍റെ തകര്‍പ്പന്‍ ജയവുമായി ടീം ഇന്ത്യ പരമ്ബരയില്‍ ഒപ്പമെത്തിയ വേളയില്‍ മുന്‍താരങ്ങളെ പൊങ്കാലയിടുകയാണ് ആരാധകര്‍.ബോളിവുഡ് സിനിമയിലെ ഒരു രംഗം പങ്കുവെച്ച്‌ മുന്‍ ഇന്ത്യന്‍ താരം വസീം ജാഫറും വോണിനെ ട്രോളിയിട്ടുണ്ട്. ‘നിങ്ങള്‍ എന്താണ് അവസാനം പറഞ്ഞത്? വൈറ്റ്വാഷ്?’ എന്ന കുറിപ്പോടെയുള്ള മീമാണ് വോണിന്‍റെ ട്വീറ്റ് റീട്വീറ്റ് ചെയ്ത് ജാഫര്‍ പങ്കുവെച്ചത്.അഡ്ലെയ്ഡ് ഫലത്തിന് പിന്നാലെ കോഹ്ലിയില്ലാതെ ഇന്ത്യ ആസ്ട്രേലിയയെ തോല്‍പിച്ചാല്‍ അവര്‍ക്ക് ഒരു വര്‍ഷം സന്തോഷിക്കാനുള്ള വകയായെന്ന് മുന്‍ ഓസീസ് നായകന്‍ മൈക്കല്‍ ക്ലാര്‍ക്ക് അഭിപ്രായപ്പെട്ടിരുന്നു. ഇവരുടെയെല്ലാം പ്രവചനങ്ങളെ കാറ്റില്‍ പറത്തിയ പ്രകടനമാണ് അജിന്‍ക്യ രഹാനെക്ക് കീഴില്‍ ഇന്ത്യ കാഴ്ചവെച്ചത്. നാലാം ദിനം ആസ്ട്രേലിയ ഉയര്‍ത്തി 70 റണ്‍സ് വിജയലക്ഷ്യം വെറും രണ്ട് വിക്കറ്റ് നഷ്ടത്തില്‍ ഇന്ത്യ മറികടന്നു.
നാലാം ദിനം രണ്ടാം ഇന്നിങ്സ് പുനരാരംഭിച്ച ഓസീസ് 200 റണ്‍സിന് പുറത്തായി. 69 റണ്‍സ് മാത്രമായിരുന്നു ആതിഥേയരുടെ ലീഡ്. മായങ്ക് അഗര്‍വാളിന്‍റെയും (5) ചേതേശ്വര്‍ പുജാരയുടെയും (3) വിക്കറ്റുകള്‍ നേരത്തെ നഷ്ടമായെങ്കിലും സ്റ്റൈലിഷ് ബാറ്റിങ് പ്രകടനം കാഴ്ചവെച്ച അരങ്ങേറ്റക്കാരന്‍ ശുഭ്മാന്‍ ഗില്ലും (35*) രഹാനെയും (27*) ടീമിനെ അനായാസം വിജയതീരമണച്ചു.
ടെസ്റ്റ് ക്രിക്കറ്റിലെ വിജയ നേട്ടങ്ങളില്‍ മുന്‍ ഇന്ത്യന്‍ ക്യാപ്റ്റന്‍ എം എസ് ധോണിയൊടൊപ്പമെത്തി അജിന്‍ക്യ രഹാനെ. ഇന്ത്യന്‍ ടീമിന്റെ നായകനായി കളിച്ച ആദ്യത്തെ മൂന്നു മത്സങ്ങളും ജയിച്ച രണ്ടാമത്തെ താരമെന്ന നേട്ടമാണ് അജിന്‍ക്യ രഹാനെ സ്വന്തമാക്കിയിരിക്കുന്നത്. ക്യാപ്റ്റനായ ശേഷം കളിച്ച മൂന്ന് ടെസ്റ്റ് മത്സരങ്ങളും ജയിച്ച ആദ്യ ഇന്ത്യന്‍ താരമാണ് ധോണി. ഓസ്‌ട്രേലിയയ്‌ക്കെതിരായ മെല്‍ബണ്‍ ടെസ്റ്റില്‍ എട്ടു വിക്കറ്റിന് ജയിച്ചതോടെ അജിന്‍ക്യ രഹാനെയും ഇക്കാര്യത്തില്‍ ധോണിയോടൊപ്പമെത്തിയിരിക്കയാണ്. 2008ല്‍ അനില്‍ കുംബ്ലെയ്ക്കു പകരമായാണ് ധോണി ടെസ്റ്റ് ടീമിന്റെ നായകസ്ഥാനം ഏറ്റെടുക്കുന്നത്. പിന്നീടു നടന്ന തുടര്‍ച്ചയായ നാലു മത്സരങ്ങളിലും ജയം ഇന്ത്യയ്ക്കായിരുന്നു. ഇപ്പോള്‍ രഹാനെ മൂന്ന് മത്സരങ്ങള്‍ ജയിച്ചു, അടുത്ത കളി കൂടി ജയിച്ചാല്‍ നാലു മത്സരങ്ങളുടെ കാര്യത്തിലും ധോണിക്കൊപ്പമെത്താം. കോലിക്കു പോലും ഈ നേട്ടം സ്വന്തമാക്കാന്‍ സാധിച്ചിരുന്നില്ല. വിരാട് കോലിക്ക് പകരക്കാരനായാണ് ഓസ്‌ട്രേലിയയ്‌ക്കെതിരായ മൂന്ന് ടെസ്റ്റ് മത്സരങ്ങളില്‍ ഇന്ത്യയെ രഹാനെ നയിക്കുന്നത്. ആദ്യ ടെസ്റ്റിലെ തോല്‍വിക്കു ശേഷം കോലി ഇന്ത്യയിലേക്കു മടങ്ങിയിരുന്നു. മെല്‍ബണ്‍ ക്രിക്കറ്റ് ഗ്രൗണ്ടില്‍ 14 ടെസ്റ്റ് മത്സരങ്ങള്‍ കളിച്ച ഇന്ത്യ ഇവിടെ ജയിക്കുന്നതു നാലാം തവണയാണ്. വിദേശരാജ്യത്ത് ഇന്ത്യ കൂടുതല്‍ ടെസ്റ്റ് മത്സരങ്ങള്‍ ജയിച്ച മൈതാനം കൂടിയാണിത്. പോര്‍ട്ട് ഓഫ് സ്‌പെയിനിലെ ക്വീന്‍സ് പാര്‍ക്ക് ഓവല്‍, കിങ്സ്റ്റനിലെ സബീന പാര്‍ക്ക്, കൊളംബോയിലെ എസ്‌എസ്‌സി എന്നിവിടങ്ങളില്‍ ഇന്ത്യ മൂന്നു വീതം മത്സരങ്ങള്‍ ജയിച്ചിട്ടുണ്ട്. 2010ന് ശേഷം ടോസ് നഷ്ടപ്പെട്ട് ബോള്‍ ചെയ്ത് ഇന്ത്യ ജയിക്കുന്ന ആദ്യ മത്സരം കൂടിയാണ് ഓസീസിനെതിരായ രണ്ടാം ടെസ്റ്റ്. അഡ്‌ലെയ്ഡിലെ തോല്‍വിയില്‍ താരങ്ങള്‍ വിഷമിച്ച്‌ ഇരിക്കാത്തതിന്റെ ഫലമാണ് മെല്‍ബണിലെ വിജയമെന്ന് അജിന്‍ക്യ രഹാനെ മത്സരശേഷം പ്രതികരിച്ചു. ടീം ഒന്നാകെ ഉണര്‍ന്നു കളിച്ചതിനാലാണു വിജയിച്ചത്. അങ്ങനെ ചെയ്താല്‍ ജയം ഉറപ്പെന്നു ഞങ്ങള്‍ക്കറിയാം. ബോളിങ്ങില്‍ അശ്വിന്‍ ഉള്‍പ്പെടെയുള്ളവര്‍ നന്നായി കളിച്ചു. പത്താം ഓവറില്‍ പന്തെറിഞ്ഞ അശ്വിന്‍ നല്ല സമ്മര്‍ദമാണ് ഓസ്‌ട്രേലിയന്‍ താരങ്ങളില്‍ ഉണ്ടാക്കിയത്. രാജ്യാന്തര മത്സരം കളിക്കുന്നതിനു മുന്‍പ് 3-4 വര്‍ഷം ഫസ്റ്റ് ക്ലാസ് ക്രിക്കറ്റിലും ഇന്ത്യ എ ടീമിനും വേണ്ടി കളിക്കുന്നത് മത്സരപരിചയം നേടിത്തരും. മുഹമ്മദ് സിറാജ് ക്ഷമയോടെയും അച്ചടക്കത്തോടെയും പന്തെറിഞ്ഞു മികച്ച പ്രകടനം നടത്തിയതായും രഹാനെ പറഞ്ഞു.
