ശ്രീനഗര്‍: സ്വത്തും ആഭരണങ്ങളും കൈക്കലാക്കാനായി അര്‍ധ സഹോദരിയെ വിവാഹ ദിവസം ബന്ധുക്കളുടെ സഹായത്തോടെ കൊലപ്പെടുത്തിയ യുവാവ് പിടിയിലായി. നവംബര്‍ നാലിന് ശ്രീനഗറിലെ സെയ്ദ കദാല്‍ പ്രദേശത്തെ ഷഹനാസ കെല്ലപ്പെട്ട കേസിലാണ് അറസ്റ്റ്.
സീലിങ് ഫാനില്‍ തൂങ്ങിയ നിലയില്‍ കാണപ്പെട്ടതിനാല്‍ ആത്മഹത്യയെന്ന നിഗമനത്തില്‍ പൊലീസ് അന്വേഷണം അവസാനിപ്പിക്കുകയായിരുന്നു. സംഭവത്തില്‍ ദുരൂഹതയാരോപിച്ച്‌ മരിച്ച യുവതിയുടെ പ്രതിശ്രുത വരന്‍ നാസിര്‍ ഹുസൈന്‍ കാവ പൊലീസിനെ സമീപച്ചതോടെയാണ് ട്വിസ്റ്റുണ്ടായത്. ഇേതത്തുടര്‍ന്ന് നവംബര്‍ 13ന് ചീഫ് ജുഡീഷ്യല്‍ മജിസ്ട്രേറ്റ് പുനരന്വേഷണത്തിന് ഉത്തരവിട്ടു.
പ്രത്യേക സംഘത്തിെന്‍റ അന്വേഷണത്തില്‍ യുവതിയുടെ അര്‍ധഅഹോദരന്‍ ഷാഫിയും രണ്ട് ബന്ധുക്കളും ചേര്‍ന്നാണ് കൊലപാതകം നടത്തിയതെന്ന് കണ്ടെത്തി.
‘ഷഹനാസയുമായി ഷാഫി അത്ര നല്ല ബന്ധത്തിലായിരുന്നില്ല. അതോടൊപ്പം തന്നെ കുടുംബ സ്വത്തും ആഭരണങ്ങളും കൈക്കലാക്കാനും ഇയാള്‍ പദ്ധതിയിട്ടു. ഇതിനായി വാജിദ് ഗുല്‍സാര്‍ സുല്‍ത്താന്‍, നിഗാത് ഗുല്‍സാര്‍ എന്നീ ബന്ധുക്കളെ ഇയാള്‍ ഒപ്പം കൂട്ടി. സ്വന്തമാകുന്ന സ്വത്തിെന്‍റ തുല്യ അവകാശം നല്‍കാമെന്ന് പ്രലോഭിപ്പിച്ചാണ് മറ്റ് രണ്ട് പ്രതികളെ ഇയാള്‍ പാട്ടിലാക്കിയത്’ -പൊലീസ് പറഞ്ഞു.
നവംബര്‍ മൂന്നിനാണ് ഗൂഢാലോചന നടത്തിയത്. ‘സംഭവ ദിവസം പ്രഭാത നമസ്കാരത്തിനിടെയാണ് പ്രതികള്‍ ഷഹനാസിനെ ശ്വാസം മുട്ടിച്ച്‌ കൊലപ്പെടുത്തിയത്. സ്വര്‍ണ നിറത്തിലുള്ള തുണി ഉപയോഗിച്ച്‌ ശ്വാസംമുട്ടിച്ച പ്രതികള്‍ മരണം ഉറപ്പു വരുത്തി. ശേഷമാണ് ആത്മഹത്യയെന്ന് വരുത്തിത്തീര്‍ക്കാനായി ഫാനില്‍ കെട്ടിത്തൂക്കിയത്’ -പൊലീസ് പ്രസ്താവനയില്‍ പറഞ്ഞു. പ്രതികളിലൊരാളായ വാജിദ് പൊലീസിനോട് കുറ്റസമ്മതം നടത്തി
