താനൂര്‍ : വള്ളത്തില്‍ നിന്നു വീണ് മത്സ്യത്തൊഴിലാളിയെ കടലില്‍ കാണാതായി . ബുധനാഴ്ച രാവിലെ പത്തോടെ താനൂര്‍ ഹാര്‍ബറിന് തെക്കുഭാഗത്താണ് സംഭവം നടന്നത് . ഒസ്സാന്‍കടപ്പുറം സ്വദേശി മമ്മിക്കാനകത്ത് ഷെഫിലി (27) നെയാണ് കാണാതായത് . പൊന്നാനി കോസ്റ്റ് ഗാര്‍ഡും പൊലീസും മത്സ്യത്തൊഴിലാളികളും സ്ഥലത്തെത്തി തിരച്ചില്‍ നടത്തുന്നുണ്ട്.
തോണി കരയില്‍ നിന്നു സുരക്ഷിത സ്ഥാനത്തേക്ക് മാറ്റുന്നതിനിടയിലാണ് അപകടം . വി. അബ്ദുറഹ്മാന്‍ എം.എല്‍.എ സ്ഥലത്തെത്തി രക്ഷാപ്രവര്‍ത്തനത്തിന് നേതൃത്വം നല്‍കി . ജില്ല കലക്ടര്‍ കെ.ഗോപാലകൃഷ്ണനും സംഭവസ്ഥലത്തെത്തി .
