കോട്ടയം: കേരള കോണ്‍ഗ്രസ് എം ചിഹ്നമായ രണ്ടില സംസ്ഥാന തെരഞ്ഞെടുപ്പ് കമീഷന്‍ താല്‍ക്കാലികമായാണ് മരവിപ്പിച്ചിരിക്കുന്നതെന്ന് ജോസ് കെ. മാണി.
കേന്ദ്ര തെരഞ്ഞെടുപ്പ് കമ്മീഷന്റെ ഉത്തരവിനെതിരെ കേരള ഹൈകോടതിയില്‍ നിലനില്‍ക്കുന്ന കേസിന്റെ അടിസ്ഥാനത്തിലാണ് നടപടിയെന്നും കേസിലെ അന്തിമ വിധിക്ക് വിധേയമായിരിക്കും തുടര്‍നടപടികളെന്നും തെരഞ്ഞെടുപ്പ് കമീഷന്‍ വ്യക്തമാക്കിയിട്ടുണ്ട്.
കേസിന്റെ വാദം പൂര്‍ത്തിയായ സ്ഥിതിക്ക്, വരാനിരിക്കുന്ന വിധിയോടെ സത്യം വിജയിക്കുമെന്നും ജോസ് കെ. മാണി പറഞ്ഞു.
