തിരുവനന്തപുരം: ലഹരി മരുന്ന്​ ഇടപാടില്‍ അറസ്​റ്റിലായ ബിനീഷ് കോടിയേരിയുടെ വീട്ടിലെ പരിശോധനക്കിടയില്‍ എന്‍ഫോഴ്സ്മെന്‍റ്​ ഉദ്യോഗസ്ഥര്‍ കണ്ടെത്തിയ രേഖകള്‍ ഒപ്പിട്ട്​ നല്‍കാന്‍ വിസമ്മതിച്ച്‌​ വീട്ടുകാര്‍. ബുധനാഴ്​ച രാത്രി ഒമ്പതുമണിയോടെ പരിശോധന അവസാനിച്ചെന്ന്​ അറിയിച്ചെങ്കിലും കണ്ടെത്തിയ രേഖകളില്‍ ​ഒപ്പിടാന്‍ ബിനീഷി​െന്‍റ ഭാര്യ റിനീറ്റ വിസമ്മതിച്ചു. തുടര്‍ന്ന്​ ഇ.ഡി സംഘം വ്യാഴാഴ്ച രാവിലെയും ബിനീഷി​െന്‍റ വീട്ടില്‍ തുടരുകയാണ്​.

ബിനീഷി​െന്‍റ ഭാര്യ റിനീറ്റയും ഭാര്യാപിതാവുമാണ് വീട്ടിലുള്ളത്. ബെംഗളൂരു മയക്കുമരുന്നുകേസിലെ പ്രധാനപ്രതി മുഹമ്മദ് അനൂപുമായി ബിനീഷ് നടത്തിയ ഇടപാടുകള്‍ ശരിവെക്കുന്ന ചില രേഖകള്‍ കണ്ടെടുത്തതായാണ് റിപ്പോര്‍ട്ടുകള്‍. എന്നാല്‍, ഇവ വീട്ടില്‍ നിന്ന് എടുത്തതാണെന്ന് സ്ഥിരീകരിക്കാനും സാക്ഷ്യപ്പെടുത്തി നല്‍കാനും വീട്ടുകാര്‍ വിസമ്മതിച്ചു. രേഖകളില്‍ ചിലത്​ ഇ.ഡി ഉദ്യോഗസ്ഥര്‍ കൊണ്ടുവന്നതാണെന്ന്​ വീട്ടുകാര്‍ ആരോപിച്ചു. അതുകൊണ്ട്​ ഒപ്പിടില്ലെന്ന നിലപാടടെടുക്കുകയും അഭിഭാഷക​െന്‍റ സഹായം തേടുകയും ചെയ്​തു.

എന്‍ഫോഴ്സ്മെന്‍റ്​ ഉദ്യോഗസ്ഥര്‍ ഹാജരാക്കിയ രേഖകളില്‍ നിര്‍ബന്ധിച്ച്‌​ ഒപ്പിടുവിക്കരുതെന്ന്​ അഭിഭാഷകന്‍ ആവശ്യപ്പെട്ടു. ഇത്​ സംബന്ധിച്ച്‌​ കോടതിയെ സമീപിക്കാനാണ്​ തീരുമാനമെന്നും അഭിഭാഷകന്‍ മുരുക്കുംപുഴ വിജയകുമാര്‍ അറിയിച്ചു. മാനദണ്ഡങ്ങള്‍ പാലിക്കാതെയാണ് കുടുംബത്തെ റെയ്ഡി​െന്‍റ പേരില്‍ തടഞ്ഞുവെച്ചതെന്നും അദ്ദേഹം ആരോപിച്ചു.

ബുധനാഴ്​ച രാവിലെ ഒമ്ബത് മണിയോടുകൂടിയാണ് ഇ.ഡി.സംഘം ബിനീഷി​െന്‍റ വീട്ടിലേക്കെത്തുന്നത്. തുടര്‍ന്ന് നടന്ന റെയ്ഡ് പത്ത് മണിക്കൂര്‍ കൊണ്ട് അവസാനിച്ചു. തുടര്‍ന്ന് മഹസര്‍ രേഖകള്‍ തയ്യാറാക്കുന്ന നടപടികളിലേക്ക് കടന്നു. എന്നാല്‍ രേഖകളില്‍ ഒപ്പുവെക്കാന്‍ ബിനീഷി​െന്‍റ ഭാര്യ ഒരു തരത്തിലും തയ്യാറായില്ല. ഇവിടെ നിന്ന് ലഹരിക്കടത്ത്​ പ്രതി അനൂപ്​ മുഹമ്മദി​െന്‍റ ക്രെഡിറ്റ്കാര്‍ഡ് കണ്ടെടുത്തുവെന്ന് പറയുന്ന രേഖയിലാണ് ഒപ്പുവെക്കാന്‍ തയാറാകാതിരിക്കുന്നത്. ഇ.ഡി തന്നെ ഈ കാര്‍ഡ് കൊണ്ടുവരികയായിരുന്നുവെന്നാണ് വീട്ടുകാര്‍ ആരോപിച്ചത്​.

ബിനീഷി​െന്‍റ സുഹൃത്തുക്കളുടെ സ്ഥാപനങ്ങളും വീടും ഉള്‍പ്പെടെ ആറിടത്താണ്​ കഴിഞ്ഞ ദിവസം ഇ.ഡി റെയ്​ഡ്​ നടത്തിയത്​. മയക്കുമരുന്ന്​ ഇടപാടില്‍ അറസ്​റ്റിലായ ബിനീഷ്​ കോടിയേരിയെ ബംഗളൂരുവില്‍ ഇ.ഡി ചോദ്യം ചെയ്​തുവരികയാണ്​.