ടിയാന്‍ജിന്‍: വടക്കന്‍ ചൈനയിലെ ടിയാന്‍ജിനില്‍ റെയില്‍വേ പാലം തകര്‍ന്ന് എട്ട് പേര്‍ മരിച്ചു. ടിയാന്‍ജിനിലെ ബിന്‍ഹായ് ന്യൂ ഏരിയയിലെ 30 മീറ്ററിലധികം നീളമുള്ള പാലത്തില്‍ അറ്റകുറ്റപ്പണി നടക്കുന്ന സമയത്താണ് അപകടം നടന്നത്.

നാന്‍‌ഹുവാന്‍ റെയില്‍‌വേയുടെ ഭാഗമായ ബിന്‍‌ഹായ് നദിക്ക് മുകളിലൂടെ കടന്ന് പോകുന്ന പാലമാണ് തകര്‍ന്നത്. അപകടത്തില്‍ പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്. സംഭവത്തെ കുറിച്ച്‌ ടിയാന്‍ജിന്‍ പ്രവിശ്യ അധികൃതര്‍ അന്വേഷണത്തിന് ഉത്തരവിട്ടിട്ടുണ്ട്.