കൂത്തുപറമ്പ്‌​: കണ്ണൂര്‍ കൂത്തുപറമ്പില്‍ മുസ്​ലിം ലീഗ്​ പ്രവര്‍ത്തകന്‍ പാറാല്‍ മന്‍സൂര്‍ കൊല്ലപ്പെട്ടത്​ ബോംബ്​ സ്​ഫോടനത്തിലെന്ന്​ പോസ്റ്റ്​മോര്‍ട്ടം റിപ്പോര്‍ട്ട്​. ബോംബേറില്‍ ഇടതു കാലിലുണ്ടായ മുറിവാണ്​ മരണകാരണമെന്നും റിപ്പോര്‍ട്ട്​ പറയുന്നു.

മന്‍സൂറിനെ വെട്ടിക്കൊന്ന കേസില്‍ സി.പി.എം പ്രവര്‍ത്തകന്‍ ഷിനോസ്​ പിടിയിലായിരുന്നു. കൊല്ലപ്പെട്ട മന്‍സൂറിന്‍റെ അയല്‍വാസിയാണ്​ ഷിനോസ്​.

കൂത്തുപറമ്പ്‌​ പുല്ലൂക്കര മുക്കില്‍ പീടികയില്‍ വോ​ട്ടെടുപ്പിന്​ പിന്നാലെയുണ്ടായ ആക്രമണത്തില്‍ യൂത്ത് ലീഗ്​ പ്രവര്‍ത്തകനായ പാറാല്‍ മന്‍സൂര്‍ (22) ആണ്​ വെ​േട്ടറ്റു മരിച്ചത്​.

വീട്ടില്‍ കയറി ബോംബെറിഞ്ഞ ശേഷമായിരുന്നു ആക്രമണം. സഹോദരന്‍ മുഹ്സിന്​ ( 27) ആക്രമണത്തില്‍ സാരമായി പരിക്കേറ്റിരുന്നു. ഇന്നലെ രാത്രി 8 മണിയോടെയാണ് സംഭവം. ആക്രമണത്തിന്​ പിന്നില്‍ സി.പി.എമ്മാണെന്ന്​ ലീഗ്​ ആരോപിച്ചു.

മുഹ്​സിന്‍ വീട്ടുമുറ്റത്ത് കൂട്ടുകാരോടൊത്ത് സംസാരിച്ച്‌ കൊണ്ടിരിക്കെയാണ് ബോംബെറിഞ്ഞ് ഭീകരാന്തരീക്ഷം സൃഷ്ടിച്ച അക്രമി സംഘം എത്തിയത്​. മുഹ്സിനെ വലിച്ചിഴച്ച്‌ വെട്ടുമ്പോള്‍ തടയാന്‍ ചെന്നപ്പോഴാണ്​ സഹോദരന്‍ മന്‍സൂറിന്​ വെട്ടേറ്റത്.അക്രമി സംഘത്തെ തടയാന്‍ ശ്രമിച്ച മുഹ്സിന്‍്റെ മാതാവിനും അയല്‍പക്കത്തുള്ള സ്ത്രീക്കും പരിക്കുണ്ട്.

അല്‍സിഫയില്‍ പാറാല്‍ മുസ്തഫയാണ്​ മന്‍സൂറിന്‍റെ പിതാവ്​. മാതാവ്: സക്കീന. സഹോദരങ്ങള്‍: മുനീബ്​, മുബില്‍, മുഹസിന്‍, മുഹമ്മദ്​.