ന്യൂഡല്‍ഹി : മോറട്ടോറിയം കേസില്‍ സുപ്രീംകോടതി വിധി ഇന്ന്. ലോക്ഡൗണ്‍ കാലയളവില്‍ ബാങ്ക് വായ്പകള്‍ക്ക് മോറട്ടോറിയം പ്രഖ്യാപിച്ച സമയത്ത് പലിശയും പിഴപ്പലിശയും ഈടാക്കിയത് ചോദ്യം ചെയ്തുള്ള കേസിലാണ് വിധി.

കോടതി നിര്‍ദ്ദേശം അനുസരിച്ച്‌ പിഴപ്പലിശ ഒഴിവാക്കാന്‍ കേന്ദ്രം തീരുമാനിക്കുകയും പിഴപ്പലിശ ഒഴിവാക്കാനുള്ള മാര്‍ഗ്ഗരേഖ പുറത്തിറക്കുകയും ചെയ്തിരുന്നു. പക്ഷെ, പലിശ ഒഴിവാക്കാനാകില്ല എന്നതായിരുന്നു നിലപാട്.

ജസ്റ്റിസ് അശോക് ഭൂഷണ്‍ അധ്യക്ഷനായ ബെഞ്ചാണ് വിധി പ്രസ്താവിക്കുക. പലിശ കൂടി ഒഴിവാക്കിയാല്‍ ബാങ്കുകള്‍ പ്രതിസന്ധിയിലാകും എന്നതായിരുന്നു കേന്ദ്ര സര്‍ക്കാരും ആര്‍ബിഐയും വ്യക്തമാക്കിയത്.